symptoms of Heat Stroke and How to Avoid Heat Stroke: హీట్ స్ట్రోక్ అనేది అత్యంత తీవ్రమైన వేడి సంబంధిత అనారోగ్య పరిస్థితి మరియు దీనికి వెంటనే వైద్య సహాయం అవసరమైన అత్యవసర పరిస్థితి ఎండదెబ్బ వలన ఏర్పడుతుంది.
Advertisement
శరీరం అధిక వేడిని గ్రహించి, దానిని చెమట ద్వారా బయటకు పంపించలేకపోతే, వేడి శరీర ఉష్ణోగ్రతను 104 డిగ్రీల ఫారెన్హీట్ లేదా అంతకంటే ఎక్కువ పెంచుతుంది. ఈ స్థాయికి చేరుకున్నప్పుడు హీట్ స్ట్రోక్ సంభవించే అవకాశం ఉంది అని న్యూయార్క్ నగరంలోని మెడికల్ ఆఫీసెస్ ఆఫ్ మాన్‌హాటన్‌లో ఇంటర్నిస్టు అయిన డాక్టర్ జారెడ్ బ్రౌన్‌స్టీన్ తెలిపారు.
సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రకారం, కేవలం 10 నుంచి 15 నిమిషాల్లోనే శరీర ఉష్ణోగ్రత ప్రమాదకర స్థాయికి పెరుగుతుంది. సరైన చికిత్స లేకపోతే, హీట్ స్ట్రోక్ శాశ్వత వైకల్యాన్ని, అవయవాల నష్టాన్ని లేదా మరణాన్ని కూడా కలిగించవచ్చు.
హీట్ స్ట్రోక్‌కు ముందుగా వచ్చే హీట్ ఎగ్జాస్షన్ స్వల్ప లక్షణాలను కలిగి ఉంటుంది. తలనొప్పి, గుండె వేగంగా కొట్టుకోవడం, బలహీనత మొదలైనవి హీట్ ఎగ్జాస్షన్ లక్షణాలు. వీటిని ప్రమాదస్థాయికి చేరకముందే గుర్తించి చల్లగా ఉండే ప్రయత్నం చేయాలి.
హీట్ స్ట్రోక్‌ను నివారించేందుకు తగిన జాగ్రత్తలు తీసుకోవడం చాలా అవసరం. అధిక ఉష్ణోగ్రత ఉన్నప్పుడు ఎక్కువ సమయం వెలుపల గడపకూడదు. తగినంత నీరు తాగాలి, మృదువైన, తేలికపాటి రంగుల బట్టలు ధరించాలి. బయటకు వెళ్లే ముందు హీట్ ఇండెక్స్ స్థాయిని పరిశీలించడం చాలా ముఖ్యం, ఎందుకంటే కేవలం ఉష్ణోగ్రతే కాకుండా తేమ మిశ్రమంతో కూడిన హీట్ ఇండెక్స్ 97 డిగ్రీల కంటే ఎక్కువ అయితే ప్రమాదకరంగా మారుతుంది.
Advertisement