PM Kisan Update: భారత ప్రభుత్వం రైతులకు ఆర్థిక సహాయం అందించేందుకు ప్రవేశపెట్టిన పీఎం కిసాన్ యోజన 20వ విడత నిధులను విడుదల చేసింది. దేశవ్యాప్తంగా అర్హత పొందిన రైతుల ఖాతాల్లో నేరుగా డైరెక్ట్ బాంక్ ట్రాన్స్‌ఫర్ (DBT) ద్వారా రూ. 2000 జమచేస్తోంది. ఈ నిధులను ఇప్పటికే మీ ఖాతాలో పొందారా? లేకపోతే, అధికారిక వెబ్‌సైట్‌లో మీ స్టేటస్ చెక్ చేసుకోవచ్చు.
Advertisement
మీరు దరఖాస్తు చేసుకున్నారా? ఇప్పటివరకు మీ ఖాతాలోకి నగదు వచ్చిందా? ఇంకా ఎదురుచూస్తున్నారా? పీఎం కిసాన్ 20వ విడత కోసం ప్రభుత్వం రూ. 6000లో భాగంగా ఇప్పటివరకు రూ. 4000 అందజేసింది. 2025 జూన్‌లో మిగిలిన రూ. 2000 విడుదల చేయనుంది. గత విడతలో, ప్రధాని నరేంద్ర మోదీ బీహార్‌లో జరిగిన ఒక కార్యక్రమంలో పీఎం కిసాన్ 19వ విడతను ప్రారంభించారు. అప్పట్లో 9.8 కోట్ల మంది రైతులకు రూ. 22,000 కోట్లు అందజేయడం, రైతుల ఆర్థిక భారం తగ్గించే గొప్ప నిర్ణయంగా నిలిచింది.
ఈ పథకానికి అర్హత కలిగిన వారు ఎవరైనా తమ స్టేటస్‌ను అధికారిక వెబ్‌సైట్‌లో చెక్ చేసుకోవచ్చు. కేవలం భారతీయ రైతులే ఈ పథకానికి అర్హులు. రైతుల కుటుంబ సభ్యులకు వ్యవసాయ భూమి ఉండాలి. చిన్న, మధ్య తరహా రైతులు మాత్రమే ఈ పథకం ద్వారా ప్రయోజనం పొందగలరు. ప్రభుత్వం సంవత్సరానికి మొత్తం రూ. 6000 అందజేస్తోంది. ఇది మూడు విడతలుగా ప్రతి నాలుగు నెలలకు రూ. 2000 చొప్పున జమ అవుతుంది.
మీ దరఖాస్తు స్థితిని తెలుసుకోవాలంటే, అధికారిక వెబ్‌సైట్ https://pmkisan.gov.in కు వెళ్లి “Know Your Status” అనే ఎంపికను క్లిక్ చేయండి. అక్కడ రిజిస్ట్రేషన్ నంబర్, క్యాప్చా నమోదు చేసి OTP పొందండి. OTPని ఎంటర్ చేసి “Submit” బటన్ నొక్కితే మీ అప్లికేషన్ స్టేటస్ తెరపై కనిపిస్తుంది. అలాగే, మీ చెల్లింపు స్థితిని తెలుసుకోవాలంటే https://pfms.nic.in వెబ్‌సైట్‌లో “Check Payment Status” క్లిక్ చేసి, బ్యాంక్ పేరు, ఖాతా నంబర్ లేదా అప్లికేషన్ ఐడీ నమోదు చేసి “Submit” చేయండి.
మీ పేరు, బ్యాంక్ ఖాతా వివరాలు, చిరునామా, చెల్లింపు స్థితి, తండ్రి/భర్త పేరు, లింగం వంటి వివరాలు డాష్‌బోర్డ్‌లో కనిపిస్తాయి. ఏమైనా సందేహాలుంటే హెల్ప్‌లైన్ నంబర్లకు 📞 155261 / 011-24300606 కాల్ చేసి వివరాలు తెలుసుకోవచ్చు. మీ ఖాతాలో నగదు జమైందో లేదో ఇప్పుడే చెక్ చేసుకోండి!
Advertisement