AP Government Pension Distribution Guidelines: ఆంధ్రప్రదేశ్ ప్రభుత్వం ఎన్‌టిఆర్ భరోసా పథకంలో పెన్షన్ పంపిణీ ప్రక్రియలో కీలక మార్పులు చేసింది. ఈ మార్పుల ద్వారా లబ్ధిదారులకు మరియు గ్రామ, వార్డు సచివాలయ సిబ్బందికి ఇబ్బందులను తగ్గించడం లక్ష్యం.
Advertisement
ఇప్పటి వరకు ఉదయం 4:00 లేదా 5:00 గంటల నుంచే పెన్షన్ పంపిణీ ప్రారంభం అవుతోంది. అయితే, ఇకపై పెన్షన్ పంపిణీ ప్రక్రియ ఉదయం 7:00 గంటలకు ప్రారంభమవుతుంది. దీనిని అమలు చేయడానికి పెన్షన్ పంపిణీకి ఉపయోగించే మొబైల్ అప్లికేషన్‌లో మార్పులు చేశారు. ఇది ఉదయం 7:00 గంటల తర్వాత మాత్రమే పనిచేస్తుంది.
కొత్త మార్గదర్శకాల ప్రకారం తీసుకున్న ముఖ్యమైన నిర్ణయాలు
- లబ్ధిదారుల ఇళ్లకు 300 మీటర్లకు మించి పెన్షన్ పంపిణీ చేయాల్సి వస్తే, అందుకు గల కారణాన్ని వెంటనే సిస్టమ్‌లో నమోదు చేయాలి.
- లబ్ధిదారులకు ఈ మార్పుల గురించి తెలియజేయడానికి ప్రభుత్వం ఒక 20 సెకన్ల ఆడియో సందేశాన్ని అందుబాటులోకి తీసుకువచ్చింది. పెన్షన్ పంపిణీ సమయంలో, లబ్ధిదారుల వివరాలు నమోదు చేసిన వెంటనే ఈ సందేశం ఆటోమేటిక్‌గా ప్లే అవుతుంది.
ప్రయోగాత్మకంగా రెండు జిల్లాల్లో ప్రారంభం
ఈ కొత్త మార్గదర్శకాలను మార్చి 1న కర్నూలు మరియు చిత్తూరు జిల్లాల్లో ప్రయోగాత్మకంగా అమలు చేయనున్నారు. ఈ సమయంలో ఎంఎల్సీ ఎన్నికల నియమావళి అమల్లో ఉంటుంది, కావున కొత్త విధానం మొదట ఈ రెండు జిల్లాల్లో అమలు చేయబడుతుంది. దీనికి విజయవంతమైన స్పందన లభిస్తే, ఈ పెన్షన్ పంపిణీ విధానం రాష్ట్రవ్యాప్తంగా అమలు చేయనున్నారు.
ఈ నిర్ణయం ద్వారా సర్కారీ ఉద్యోగులు మరియు లబ్ధిదారులు రాత్రి వేళల్లో అనవసరంగా బయటకు రావాల్సిన పరిస్థితి తక్కువ అవుతుంది. కొత్త విధానం ద్వారా సిస్టమ్ మరింత పారదర్శకంగా మారుతుందని ప్రభుత్వం భావిస్తోంది
Advertisement